Se muestran los artículos pertenecientes a Diciembre de 2005.
II CONGRESO NACIONAL DE ORIENTACIÓN
Congreso Nacional de Orientación
Os cambios que veñen no campo educativo, xunto coas novas demandas da sociedade, obrigan a unha revisión e actualización da orientación para encontrar respostas eficaces no ámbito persoal, educativo e profesional. Este obxectivo é o que mobilizará a centos de profesionais que se darán cita no segundo Congreso Nacional de Orientación, no palacio de congresos de Mérida, os días 2, 3 e 4 de decembro.
Promovido pola COPOE (Confederación de Organizacións de Psicopedagoxía e Orientación de España) e organizado por APOEX (Asociación Profesional de Orientadores en Estremadura) o evento supón dotar de continuidade ao movemento asociativo que xerminou no primeiro encontro nacional celebrado en Toledo no 2003. (Información do xornal "La Voz de Galicia")
Web oficial do evento: http://www.apoex.net/encuentro/index.htm.
Entrevista con Juan A. Planas -Coordinador da Confederación de Organizacións de Psicopedagoxía e Orientación de España- (COPOE).
DOSSIER INFORMATIVO E CONCLUSIÓNS do II Congreso Nacional de Orientación
DEZ MIL VISITAS EN 9 MESES
O día 6 de Marzo de 2005 instalamos no blog de Orientación un contador de visitas. Hoxe, nove meses despois, xa superamos as 10.000 visitas. Aproveitando a ocasión, queremos agradecer a todos/as o seu interese e opinión. MOITAS GRAZAS.
BOLSAS, AXUDAS, CONCURSOS E PREMIOS
Un blog que nos informa -diariamente- dunha manchea de bolsas, axudas, concursos e premios. Recollemos a proposta na web de AULABLOG21 e, hoxe, - a dúas semanas das vacacións de Nadal- queremos recomendar unha visita O BLOG das bolsas, axudas, concursos e premios.
Contamos coa posibilidade de buscar por palabras -posúe un buscador interno- e por categorías (bolsas, axudas, concursos, cursos e premios). Unha interesante fonte informativa.
EMILIO RÚA, CANTAUTOR DA COMARCA , GAÑA NO FESTIVAL DE CANTAUTORES
Emilio Rúa -natural do Concello de Riós- acaba de gañar o Festival de Cantautores de Elxe con "Querida alegría", unha canción interpretada en galego.
Visita a súa páxina web e escoita a canción gañadora.
Unha voz fantástica, cancións cheas de sentimentos, unha capacidade inmensa para a composición e a producción, e un estilo absolutamente persoal e característico son as bazas de Emilio Rúa, un cantautor a ter en conta, un dos maiores expoñentes da canción de autor galega e nacional, ó que só lle falla xirar polo país para demostrar o seu enorme potencial.
Máis información:
OPOSICIÓNS PARA OS CORPOS AUXILIAR E SUBALTERNO DA XUNTA DE GALICIA
No Diario Oficial de Galicia (DOG) do 15 de decembro de 2005 aparece publicada a convocatoria de proceso selectivo para 117 prazas do corpo de auxiliares (grupo D) e 70 prazas do corpo de subalternos (grupo E).
Información completa das convocatorias:
A GRAN SORPRESA DO DÍA DE REIS
No Blog de José Luis Orihuela podemos ver un vídeo para felicitar as festas de nadal que pode que nos sorprenda.
