Tiven o placer de compartir o día nas Xornadas sobre "Formados e profesionais" neste centro educativo (IES de Vilamarín) e coñecer de cerca as súas impecables instalacións e o bo facer do seu alumnado e profesorado.
Foi moi interesante escoitar a antigos alumnos/as que nos contaron a súa experiencia laboral e nos animaron a aproveitar moi ben a fase de prácticas.
Unha Xornada -a do día 27 de abril de 2017- no IES de Ies Vilamarin moi completa. Aprendendo moito dos profesionais que estudaron nese centro: a importancia fundamental da formación profesional inicial que se imparte no centro educativo e do papel esencial do docente como promotor do amor pola profesión.
A relevancia das persoas e do traballo en equipo para acadar os logros. A necesidade de esforzarse e de sacar o mellor de cada persoa para ser feliz.
Un centro de luxo, que é referencia principal dos estudos de FP de Hostalería.
Noraboa!
Moitas grazas pola atención dispensada e polo voso gran traballo!
Máis información:
O IES Vilamarín abre o I Encontro especializado para visibilizar a FP en hostalaría
O conselleiro de Educación, Román Rodríguez, participou nesta primeira Xornada ‘Formados e Profesionais’ que congrega a blogueiros e publicacións sectoriais no eido destas ensinanzas
Esta iniciativa -que se desenvolverá nos oito centros que integran a Rede Galega de FP de Hostalaría- abrangue mesas redondas e encontros, así como unha exposición práctica do traballo dos alumnos con show cooking, coctelería, preparación de aperitivos, elaboración dun xantar ou acomodación de invitados, entre outros
