GUÍA DE INFORMACIÓN ACADÉMICA E PROFESIONAL

CONVOCATORIA DE ADMISIÓN E MATRÍCULA EN CICLOS FORMATIVOS E BACHARELATO (2009/2010)

CICLOS FORMATIVOS DE GRAO MEDIO E SUPERIOR

- A admisión e reserva de praza nos Ciclos Formativos para o curso 2009/2010, abarca dende o día 17 de Xuño ata o 2 de Xullo. Toda a información sobre o proceso de matrícula podes consultala aquí.

BACHARELATO

- O prazo ordinario para a formalización da matrícula de Bacharelato, para o curso 2009/2010, será do 25 de Xuño ata o 10 de Xullo. Podes consultar a  información sobre o proceso de matrícula e a documentación necesaria nesta ligazón.

-Información sobre 1º de Bacharelato.

-Información sobre 2º de Bacharelato.

A TÚA INFORMACIÓN ACADÉMICA EN MISTER-WONG

Navegar por internet e saber manexarse entre a grande cantidade e diversa calidade dos recursos que nos proporciona, require da posta en marcha de estratexias para almacenar, organizar e compartir a información que consideramos útil, fiable e interesante. Por iso, insisto de novo na utilidade e interese de saber usar mister-wong.

Na parte dereita da páxina de MISTER-WONG.ES/USER/DVEIGATIC aparecen as etiquetas -tags- que se utilizaron para clasificar as ligazóns almacenadas. Por exemplo, si premedes no termo “selectividade” a aplicación mostra todos os recursos que se consideraron interesantes para informar sobre o tema da selectividade.

Animo ao alumnado a crear a súa conta en mister-wong e a almacenar, clasificar e compartir as súas ligazóns como xa fixo Eric Macia.

Máis información na web da Xunta de Galicia.

Internet é unha ferramenta que temos que saber utilizar para o noso traballo habitual actual e -de maneira máis especializada- no futuro. Como aprendices permanentes que somos todos e todas imos procurar sacarlle partido a algunha das aplicacións que nos facilta o que se ten dado en chamar a WEB 2.0.

En concreto, o recurso que presento é un grupo de webs  -que proceden de  distintas fontes informativas e que se actualizan habitualmente- relacionadas coa información académica e profesional  e organizadadas  mediante o uso de etiquetas-. A aplicación é un marcador social que se chama MISTER-WONG.ES.

http://mister-wong.es/user/dveigatic

ENTREVISTA CO ESCRITOR XOSÉ CARLOS CANEIRO 

A SÚA ÚLTIMA NOVELA:  Blue Moon

Non é frecuente que nun blog -de Orientación- se faga referencia aos traballos que se realizan noutros centros educativos da comarca, e, en concreto, a experiencias que poñen en valor a iniciativa do alumnado e o traballo colaborativo do profesorado.

No I.E.S. Xesús Taboada Chivite hai un importante grupo de profesores e profesoras que desenvolven un interesante proxecto -coordinados por Javier Rodríguez- de incorporación das novas tecnoloxías ao seu traballo docente con moita ilusión e perseverancia.

Dentro das iniciativas pedagóxicas que incorpora Isabel Cota  no seu blog, hoxe quero destacar a entrevista que varias alumnas realizan ao escritor Xosé Carlos Caneiro e que podemos ler e visualizar en Youtube  (Capítulo 1; Capitulo 2; Capítulo 3; Capítulo 4 e Capítulo 5).

Noraboa polo esforzo, a perseverancia e a ilusión coa que realizades o voso traballo diario.

Blog de Xosé Carlos Caneiro

VISITA A PÁXINA DE MÁIS INTERNET MÁIS GALEGO MÁIS FUTURO

PODES  GAÑAR UNHA MEMORIA USB

PARA TER TODA A INFORMACIÓN SOBRE OS BLOGS GAÑADORES VISITADE A PÁXINA DOS PREMIOS

NORABOA AOS ORGANIZADORES, AOS COLABORADORES E AOS AGASALLADOS.