Facebook Twitter Google +1     Admin

Campaña de verán 2022

20220519091518-xuventude-.jpg

CAMPAÑA DE VERÁN 2022

A Xunta de Galicia ofrece a posibilidade de que a xuventude galega empregue o seu tempo libre estival participando en actividades de educación non formal de carácter lúdico, cultural, deportivo, formativo, etc. Para iso, cada ano preséntase a Campaña de Verán, unha iniciativa ambiciosa que non só é unha actividade de ocio para os mozos e mozas galegos, senón que tamén é un recurso de conciliación da vida familiar e laboral.


Baixo o lema O verán que queres contar, a Campaña de Verán de 2022 da Xunta de Galicia recupera a normalidade tras a Covid-19 e oferta, durante os meses de xullo, agosto e setembro, as seguintes accións:

  • Campamentos en Galicia.
  • Campos de voluntariado en Galicia, noutras comunidades autónomas e no estranxeiro.
  • Programas de intercambios bilaterais con outras comunidades autónomas.
  • Minicampamentos “Coñece Galicia”, de 5 días de duración.
  • Uso de instalacións xuvenís por parte de entidades.

Serán, en total, 10.827 prazas.

19/05/2022 09:13 Daniel Veiga #. XUVENTUDE No hay comentarios. Comentar.

Gravacións das Xornadas de Portas Abertas da Universidade da Coruña

20220518195843-outlook-irockehn.png

Páxina activa coa información actualizada e gravacións das charlas impartidas.

A páxina web da Universidade da Coruña xa ten activa, e a disposición dos interesados, na ficha de cada grao, a gravación da videoconferencia correspondente, das charlas impartidas nas "Xornadas de Portas Abertas Virtuais" que tiveron lugar os dias 30 e 31 de marzo de 2022.

Nas seguintes ligazóns podes obter información máis detallada de:


18/05/2022 19:57 Daniel Veiga #. UNIVERSIDADES No hay comentarios. Comentar.

Xornadas de Portas Abertas da Universidade de Vigo

20220512110654-uvigoxpa.jpg

Na Universidade de Vigo imos celebrar as Xornadas de Portas Abertas 2022 en modalidade presencial os días 14, 15 e 16 xuño nos Campus de Ourense, Pontevedra e Vigo respectivamente. O obxectivo destas Xornadas de Portas Abertas é dar a coñecer polo miúdo os centros universitarios desta institución así como as titulacións que neles se imparten a través de charlas, obradoiros e visitas a laboratorios, talleres, aulas. etc. 
Trátase dunha actividade aberta a todo o alumnado que se presente ás probas ABAU, Bacharelato, ciclos de FP, familias e ANPAS, así como ao profesorado e persoal de orientación dos centros educativos.

Para que coñezades as actividades programadas e teñades información sobre as nosas titulacións xuntamos visita a web de actividades das Xornadas de Portas Abertas en cada Campus.

12/05/2022 11:03 Daniel Veiga #. UNIVERSIDADES No hay comentarios. Comentar.

Centro Residencial de Ourense

20220509142934-captura.jpg

CRD de Ourense. Próxima apertura prazo de solicitude de praza 2022-23
 
Centro Residencial Docente de Ourense (CRD de Ourense), dependente da Consellería de Cultura, Educación e Universidade  ten como destinatario ao alumnado de ensino non universitario postobrigatorio, que non dispoña na súa localidade de residencia de centros educativos para continuar determinadas ensinanzas (Bacharelato, Ciclos Formativos de Formación Profesional, Ensinanzas Artísticas...) e se matricule en Ourense para continuar os seus estudio.

Os estudantes teñen a posibilidade de pedir praza nesta residencia non universitaria onde ademais de manutención e aloxamento, favorecemos as relacións entre alumnos/as de distinta idade e procedencia, así como a adquisición e/ou o reforzo de valores esenciais para a convivencia. Poden consultar a nosa páxina Web: https://crdourense.com/


O centro dispón de diferentes servizos (Biblioteca Escolar, aula de informática, ximnasio, comedor, salas de uso múltiple, sala de Tv, cineforum, actividades complementarias…). O acceso as prazas do centro é mediante convocatoria publicada no DOGA ( soe saír no mes de xuño)  a través dunha orde que fixa os requisitos persoais, económicos e académicos  (se a renda familiar é igual ou inferior ao limiar 2, o/a beneficiario/a terá praza gratuíta). Na páxina Web no apartado SECRETARÍA e dentro deste no caixón PRAZAS RESIDENCIA pódese atopar a información das convocatorias anteriores e os requisitos.

09/05/2022 14:29 Daniel Veiga #. AXUDAS E BOLSAS No hay comentarios. Comentar.

Plataforma de orientación académica MyWayPass

#MyWayPass -> plataforma que axuda aos estudantes  a tomar decisións académicas e profesionais www.mywaypass.com

Para poder usar a plataforma de orientación académica tes que rexistrarte.

Máis información.

03/05/2022 11:09 Daniel Veiga #. ORIENTARSE No hay comentarios. Comentar.

Feira Virtual das Universidades españolas

Do 26 ao 27 de abril desenvolverase a cuarta edición de UNIferia Graos, a Feira Virtual das Universidades españolas, promovida pola CRUE, que permite o encontro dos Futuros Estudantes cos Graos que se van a impartir o vindeiro curso 2022-23.

Funciona dun xeito similar a unha Feira Universitaria presencial: https://grado.uniferia.org. O alumnado poderá visitar as casetas virtuais das Universidades españolas participantes e facer consultas en directo.

A navegación por UNIFeria é libre, tras rexistrarse (o prerrexistro xa está aberto)

21/04/2022 08:53 Daniel Veiga #. UNIVERSIDADES No hay comentarios. Comentar.

Plan de formación de Xuventude e Voluntariado

20220419085201-cursos.jpg

A Xunta de Galicia pon en marcha un Plan de formación de Xuventude e Voluntariado que chegará a máis de 2400 persoas de toda a comunidade.
Esta iniciativa inclue un total de 37 cursos presenciais e 20 en liña orientados á formación básica e en ámbitos específicos da acción voluntaria, que permitirán complementar o currículo dos técnicos de xuventude e profesionais do tempo libre, así como ofrecer alternativas formativas á mocidade en xeral desde o eido da educación non formal.

O prazo de inscrición ábrese hoxe, día 11 de abril de 2022, a partir das 10.00 horas e permanecerá aberto ata cubrir as prazas ofertadas en cada un dos cursos.

Máis información.

19/04/2022 08:52 Daniel Veiga #. XUVENTUDE No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris