Facebook Twitter Google +1     Admin

UNHA NOVA APOSTA POLA FORMACIÓN DO PROFESORADO MEDIANTE O USO DO BLOG

20080217233937-dpc.gif

Durante o curso 2005/2006, un grupo de profesores comezamos a interesante aventura de aprender sobre blogs e outras aplicacións de potencial interese educativo. Aquela primeira experiencia de formación ó redor do blog do curso supuxo a posta en marcha de interesantes blogs que se consolidaron.

Cheos de forza e con estímulo suficiente para continuar traballando, no curso 2006/2007 fomos quen de sacar adiante dous grupos de traballo sobre temas relacionados coas novas tecnoloxías e, en concreto, co mundo das aplicacións web 2.0. Creamos un novo blog e fixemos posible a formación dos nosos compañeiros/as. Durante o ano 2007, creamos un novo blog para a Xornada de Portas Abertas 2007 e un dos blogs do noso centro - Blog de Orientación - foi agasallado co segundo premio Edublogs 2007 na modalidade de Blogs de centros.

Somos perseverantes e cremos que hai que loitar cada día, cada mes e cada curso. Por elo, no curso 2007/2008 continuamos con dous grupos de traballo e cun novo blog que leva o título que nos representa: BARBÓN BLOG . Paralelamente, baixo a organización do Departamento de Orientación, creamos un blog para os Premios de Blogs Escolares , unha iniciativa que pretende a potenciación do uso das novas tecnoloxías por parte do noso alumnado.

Complementariamente, apostamos pola formación do profesorado no ámbito das novas tecnoloxías e, en especial, das aplicacións da web 2.0. Neste sentido, ofrecemos o curso sobre "Os blogs e outras ferramentas da web 2.0 ". Un curso sen papeis, práctico e conectado coa necesaria formación do profesorado nas ferramentas da web 2.0. Un curso que pretende sinalar novas tendencias e que quere, sobre todo, axudar ao profesorado na súa tarefa docente.

 

GUÍA DE PRÁCTICAS DO CURSO

Daniel Veiga Martínez

Manuel López Méndez

douspuntocero@gmail.com

17/02/2008 23:39 orientacion Enlace permanente.

Comentarios » Ir a formulario

gravatar.comAutor: Vicente Sánchez

No hay que dar pasos atrás ni para tomar impulso.
Felicidades por este trabajo.
SALUDOS

Fecha: 19/02/2008 00:17.


gravatar.comAutor: Daniel Veiga

Moitas grazas, Vicente. Sabemos que formas parte da familia virtual Barbón Blog.
Saúdos e grazas, de novo.

Fecha: 19/02/2008 10:15.


Añadir un comentario



No será mostrado.

(opcional)





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris